Ilustracyja biełaruskaha mastaka źjaviłasia ŭ The New York Times
Minski žyvapisiec i stryt-art mastak Dźmitryj Kaštalan prailustravaŭ adzin z artykułaŭ The New York Times, pryśviečany ptuškam Dado, zaŭvažyŭ Chrysalis Mag.
Dźmitryj Kaštalan. Fota: dkashtalyan / Instagram
Art-dyrektar The New York Times paličyŭ, što styl biełaruskaha mastaka najbolš pasuje dla artykuła pra ptušku Dado.
Artykuł «Ab čym nam kaža Dado praz 300 hod paśla svajho vymirańnia». Skrynšot: The New York Times
Dźmitryj Kaštalan raspavioŭ Chrysalis Mag, što supracoŭnictva z bujnym amierykanskim vydańniem jamu prapanavaŭ adzin z art-dyrektaraŭ, jaki sočyć za tvorčaściu minskaha ilustratara.
«Dla hetaha artykuła ja stvaryŭ niekalki roznych eskizaŭ. Kamandzie vydańnia spadabaŭsia adzin ź ich, i my razam daviali jaho da rozumu. Jany prapanavali vielmi dakładnyja i vyjhryšnyja źmieny, što palepšyła ahulny kancept i zachavała mnie prastoru jak aŭtaru», — raspavioŭ jon.
Da The New York Times Kaštalan malavaŭ dla inšych zachodnich vydańniaŭ: Harper's Magazine, Technology Review, AFAR Media, Entertainment Weekly.
Dźmitryj Kaštialan — mastak ź Minska, aŭtar niekalkich hrafici ŭ horadzie. Kaštalan zajmajecca tvorčaściu bolš za 20 hadoŭ i pracuje ŭ detalizavanaj technicy «datvork» ci «puantylizm».
Hrafici Dźmitryja Kaštalana «Małpa ŭ pasudnaj kramie» ŭ Minsku. Fota: kashtalyan.com