U Vilni prajšła akcyja salidarnaści z palitviaźniami ŭ režymie inkamunikada
Ad niekatorych ź viaźniaŭ navin niama bolš za dva hoda.
Akcyja salidarnaści ŭ Vilni, 9 sakavika 2025 hoda. Fota tut i dalej: Ofis Cichanoŭskaj
Akcyja salidarnaści z palitviaźniami ŭ režymie inkamunikada prajšła ŭ niadzielu kali ambasady Biełarusi ŭ Vilni.
Ofis Śviatłany Cichanoŭskaj ładzić jaje druhi raz zapar u hadavinu poŭnaj izalacyi Siarhieja Cichanoŭskaha. Režym inkamunikada aznačaje pazbaŭleńnie palitviaźniaŭ bazavych pravoŭ na suviaź z rodnymi, advakatami i źniešnim śvietam.
Pa apošnich danych pravaabaroncaŭ, u režymie inkamunikada znachodzicca minimum 8 biełarusaŭ: Alaksandr Franckievič, Uładzimir Kniha, Ihar Łosik, Andrej Navicki, Mikałaj Statkievič, Siarhiej Cichanoŭski, Maksim Znak, Mikałaj Bańkoŭ.
Ad niekatorych ź ich navin niama bolš za dva hoda.
Doŭhi čas nijakich navin nie było i ad Viktara Babaryki — niadaŭna da jaho puścili na intervju Ramana Pratasieviča.