Stała viadoma pra hibiel «Bulbaša», jaki vajavaŭ za Rasiju

44-hadovy Mikałaj Koval z Rečycy zahinuŭ uletku 2024 hoda.

Mikałaj Koval. Fota: tut i dalej z sacsietak

Mikałaj Koval skončyŭ Homielski dziaržaŭny prafiesijna-techničny kaledž kulinaryi i Homielski inžynierny instytut MNS. Adsłužyŭ u pavietrana-desantnych vojskach. Niekatory čas pracavaŭ u pažarnaj avaryjna-vyratavalnaj čaści na abjekcie «Biełarusnafty» pad Rečycaj, byŭ načalnikam karavuła. Paśla staŭ indyvidualnym pradprymalnikam.

Viadoma, što na Kovala zavodzili kryminalnuju spravu pa častcy 1 artykuła 218 («Naŭmysnaje źniščeńnie abo paškodžańnie majomaści»), ale vytvorčaść spynili.

Kali Koval pajechaŭ vajavać, nieviadoma. Jon słužyŭ u 254-m motastrałkovym pałku (v/č 91704), jaki dysłakavaŭsia ŭ Branskaj vobłaści.

U mai 2024-ha Koval byŭ paranieny, trapiŭ u špital u Biełharadzie. Paśla znoŭ viarnuŭsia na vajnu, jaho pryznačyli kamandziram uzvoda. Z 4 lipienia 2024-ha ličyŭsia źnikłym bieź źviestak. 

Pra śmierć Mikałaja 30 žniŭnia 2024 hoda napisała ŭ sacsietkach jaho maci — Taćciana Koval: «Synočak naš jedzie dadomu z SVA naviečna maładym». 

Kovala paśmiarotna ŭznaharodzili Ordenam mužnaści Rasijskaj Fiederacyi. U jaho zastalisia žonka i dzieci. 

Kamientary da artykuła