ZŠA spyniajuć finansavańnie tysiač prahram pa baraćbie z polijamijelitam, VIČ-infiekcyjaj, malaryjaj i niedajadańniem
Hetyja prajekty padtrymlivalisia USAID.
ZŠA spyniajuć finansavańnie prahram pa baraćbie z polijamijelitam, VIČ-infiekcyjaj, malaryjaj i niedajadańniem pa ŭsim śviecie, piša The New York Times.
Dziaržaŭny departamient ZŠA razasłaŭ elektronnyja listy łahieram biežancaŭ, tubierkuloznym klinikam, prajektam pa vakcynacyi ad polijamijelitu i tysiačam inšych arhanizacyj, jakija atrymlivali ad Złučanych Štataŭ finansavańnie dla pracy pa vyratavańni žyćcia.
U listach tłumačyłasia, što finansavańnie prahram spyniajecca «dla zručnaści i ŭ intaresach urada ZŠA».
Razmova pra finansavańnie prykładna 5800 prajektaŭ, jakija padtrymlivalisia USAID. Mnohija ź ich byli skiravany na Afryku.