U Rasii žančyna naśmierć padaviłasia na konkursie pa pajadańni maśleničnych blinoŭ
36-hadovaja Natalla Ałpatava pryjechała ŭ siało Biarozaŭskaje na poŭdni Krasnajarskaha kraju za 20 kiłamietraŭ na śviatkavańnie Maślenicy. Jana była niećviarozaja i dałučyłasia da viasiołaha konkursu pa pajadańni blinoŭ na chutkaść, piša telehram-kanał 112.
Natalla Ałpatava. Fota: t.me/ENews11
Pakul apanienty korpalisia sa svaimi porcyjami, Natalla litaralna zapichvała bliny sabie ŭ horła nie žujučy. I moža atrymała b pieramohu, dy ŭ peŭny momant pačała zadychacca.
Śćviardžajecca, što miedyki, jakija dziažuryli na śviacie, sprabavali vyzvalić dychalnyja šlachi žančyny, ale ŭratavać jaje nie paśpieli. Pa inšych źviestkach, adnak, na miescy miedykaŭ uvohule nie akazałasia, a chutkaja z rajcentra jechała nadta doŭha.
Čytajcie taksama:
U adnym ź minskich kafe padajuć bliny za 300 rubloŭ