DAI pieraścierahaje pra paharšeńnie abstanoŭki na darohach Biełarusi
Siońnia na bolšaj častcy terytoryi krainy nazirajucca mokry śnieh i doždž. Mahčymaje nalipańnie śniehu, miescami ŭtvareńnie tumanu, a na asobnych učastkach daroh — hałalodzica.
DAI rekamienduje kiroŭcam nie varta śpiašacca sa źmienaj šyn na letnija, ruchacca z chutkaściu, jakaja adpaviadaje darožnym umovam na kankretnym učastku maršrutu.
Ustrymacca ad rezkich i nieabdumanych manieŭraŭ i stroha vykonvać sihnały śviatłaforaŭ i patrabavańni darožnych znakaŭ, a taksama abaviazkova pryšpilicca i zabiaśpiečyć biaśpiečnuju pieravozku pasažyraŭ, asabliva dziaciej.
Piešachodam rajać u vypadkach niedastatkovaj bačnaści apranać jarkaje adzieńnie. U ciomny čas sutak vykarystoŭvać śviatłoadbivalnyja elemienty. Pierachodzić prajeznuju častku z maksimalnaj uvažlivaściu: hladzieć pa bakach i pierakanacca, što vadzicieli vas zaŭvažyli i paśpiavajuć spynicca.