Dziaŭčynka prahłynuła mahnit, a babula zamiest chutkaj vyklikała taksi. Pašancavała z kiroŭcam
15 lutaha ŭ Homieli dvuchhadovaja dziaŭčynka prahłynuła mahnit. Jaje babula ci to pamyłkova, ci to śpiecyjalna vyklikała taksi. Ale im pašancavała z kiroŭcam, piša Onliner.
Pavał. Fota: Onliner
Na vyklik pryjechaŭ taksist «Jandieks Go» Pavał. Jon pracuje ŭ haradskim adździele pa nadzvyčajnych situacyjach, a ŭ volny ad słužby čas taksuje.
U stresavaj situacyi mužčyna zrazumieŭ, što pa korkach u Homieli moža nie paśpieć da balnicy.
«Žančyna raspaviała, što dzicia prahłynuła mahnit, zadychajecca. Adlehłaść da balnicy składała kiłamietraŭ 16, navihatar pakazvaŭ čas u šlachu kala 26 chvilin. Horad stajaŭ u korkach, było prykładna 7 hadzin viečara. Ja adrazu zrazumieŭ, što ŭ takich umovach u mianie mała šancaŭ davieźci dzicia da lekaraŭ», — padzialiŭsia z žurnalistami Pavał.
Tady kiroŭca źviazaŭsia z dyśpietčaram DAI i paprasiŭ, kab jaho supravadziŭ ekipaž. Słužbovaje aŭto pierachapiła dziaŭčynku na paŭ šlachu da balnicy i značna chutčej paśpieła pieradać jaje lekaram.
Zaraz ź dziciom usio dobra, a da Paŭła ŭ DAI nijakich pretenzij niama.
Čamu babula adrazu vyrašyła vyklikać taksi, a nie mašynu chutkaj dapamohi, nieviadoma.