Čały: Kruty stanovicca pa sutnaści vice-prezidentam
«Voś tabie i źmiena pakaleńniaŭ, ratacyja i ŭsio astatniaje».
Dźmitryj Kruty. Fota: Wikimedia Commons
Analityk Siarhiej Čały ŭ novym vypusku svajoj prahramy źviarnuŭ uvahu na słovy Łukašenki padčas vyjaznoha sieminara pa sielhastematycy: jon byŭ niezadavoleny pracaj svaich upaŭnavažanych u rehijonach i pamočnikaŭ. Źviarnuŭšysia da kiraŭnika svajoj administracyi Dźmitryja Krutoha, Łukašenka skazaŭ:
«Pamočnik pavinien być zamknuty na ciabie, i ty mnie dakładvaješ ab hetym».
«Razumiejecie, što adbyvajecca? Dźmitryj Kruty stanovicca pa sutnaści vice-prezidentam», —
zaŭvažaje Čały i zhadvaje, što heta nie pieršaja prykmieta ŭzmacnieńnia fihury Krutoha. Tak, niadaŭna čynoŭniku było daručana ŭznačalić kamisiju pa farmiravańni novaha ŭradu.
«Jon kaža: što ja budu sam, jak zaŭsiody, u čarhovy raz pa staroj schiemie, urad pryznačać? Davaj ty mnie jaho prydumaješ. Što ja budu hetych pamočnikaŭ słuchać? Ich tam šmat, ich sam ja nie pamiataju, kolki ich tam. Davaj, jany na ciabie buduć zaviazany», — interpretuje dziejańni Łukašenki Čały.
«Pamočniki prezidenta zaviazany na kiraŭnika administracyi. Nu tak nazavicie ich — pamočniki kiraŭnika administracyi. Ci pryznajcie ŭžo, što jość, jak u Amierycy Tramp, jaki vykonvaje pijar-funkcyi, a jość cieniavy prezident, jaki vykonvaje ŭsio astatniaje», —
prapanoŭvaje analityk i dadaje:
«Voś tabie i źmiena pakaleńniaŭ, ratacyja i ŭsio astatniaje».
Čytajcie taksama:
Łatuška pra toje, chto nasamreč druhaja asoba ŭ dziaržavie
Frydman: Patencyjna Hałoŭčanka moža być dla Łukašenki pahrozaj
Dźmitryj Kruty ŭznačaliŭ kamisiju pa farmavańni novaha ŭrada
Čały raskazaŭ, čamu staviŭ na Krutoha i ŭ čym pamyłka Łukašenki