Mininfarm zabłakavaŭ 15 tysiač «destruktyŭnych» internet-resursaŭ
U minułym hodzie — 3 150 internet-sajtaŭ.
Za 10 hadoŭ u Biełarusi było zabłakavana kala 15 tysiač «destruktyŭnych» resursaŭ. Takija danyja pryvioŭ ministr infarmacyi Marat Markaŭ, piša BiełTA.
«Ministerstva infarmacyi za 2024 hod zabłakavała dostup da bolš čym 3 150 internet-resursaŭ, jakija faktyčna mieli destruktyŭnuju nakiravanaść», — zajaviŭ Markaŭ.
Ministr nazvaŭ heta «infarmacyjnaj baraćboj» i padkreśliŭ, što ŭvaha da Biełarusi z boku «apanientaŭ» nie źmianiłasia.
«Kali my havorym pra jakaść raboty, nielha zabyvać, što akramia piernikaŭ, Ministerstva infarmacyi abaviazana vykarystoŭvać i bizun. Na žal, ale heta davodzicca rabić, bo nichto siońnia nie admianiaŭ infarmacyjnuju baraćbu», — adznačyŭ Markaŭ.
Kiraŭnik Mininfarma ličyć, što na «raschistvańnie situacyi» ŭ Biełarusi vydzialajucca miljardy: «Zaraz USAID krychu prycisnuli, i adrazu źjavilisia ličby, jakija ŭkładalisia, u tym liku ŭ baraćbu suprać Biełarusi».