Minčanka pastaviła kamiery ŭ kvatery maci i tak złaviła machlara
Minčanka patelefanavała ŭ milicyju i paviedamiła, što praz kamiery nazirańnia, pastaŭlenyja ŭ kvatery jaje 90-hadovaj maci, jakaja chvoraja na demiencyju, ubačyła nieznajomaha mužčynu, paviedamlaje haradskaja milicyja.
Skrynšot videa haradskoj milicyi
Na vyklik vyjechała hrupa chutkaha reahavańnia. La padjezda piensijanierki supracoŭniki milicyi pa prykmietach zatrymali 20-hadovaha zamiežnika. U jaho znajšli dziesiać załatych vyrabaŭ na 56 tysiač rubloŭ, jakija jon skraŭ u pažyłoj žančyny.
Vyśvietliłasia, što mužčyna sačyŭ za piensijanierkaj, kali jana viartałasia z prahułki, i zajšoŭ za joj u padjezd. Jon pradstaviŭsia pradaŭcom posudu i tak pranik u kvateru, dzie pierahledzieŭ šafy, znajšoŭ i zabraŭ kaštoŭnaści.
Paśla hetaha zamiežnik pasprabavaŭ uciačy na zahadzia padrychtavanym aŭtamabili, ale nie paśpieŭ — jaho zatrymała milicyja.
Zaviedziena kryminalnaja sprava za kradziež u asabliva bujnym pamiery.