BIEŁ Ł RUS

Tramp: Ukraina moža zabyć pra NATA. Heta toje, z čaho ŭsio pačałosia

26.02.2025 / 22:4

Nashaniva.com

Vystupajučy ŭ Biełym domie, Tramp zrabiŭ niekalki zajaŭ nakont taho, jak jon bačyć Ukrainu i jaje budučyniu. Paviedamlaje Associated Press.

Donald Tramp na pasiadžeńni Kabinieta ministraŭ 26 lutaha 2025 hoda. Skrynšot videa: Reuters

«NATA — možacie zabyć pra heta. Ja dumaju, vierahodna, heta toje, z čaho ŭsio pačałosia», — vykazaŭsia Tramp pra budučyniu Ukrainy ŭ Aljansie.

Tramp dadaŭ, što spadziajecca nieŭzabavie sustrecca z Pucinym u nadziei dasiahnuć pahadnieńnia ab spynieńni vajny va Ukrainie.

Uzmacniać stasunki prezident Amieryki choča z Rasijaj i Kitajem. Pieramovy z Maskvoj iduć «vielmi dobra», skazaŭ Tramp.

Jon adznačyŭ, što nie źbirajecca davać Ukrainie «harantyj biaśpieki, jakija vychodziać za miežy čahości značnaha».

«My paprosim Jeŭropu zrabić heta, bo havorka idzie pra Jeŭropu, jakaja źjaŭlajecca ich najbližejšym susiedam. Ale my zrobim usio mahčymaje, kab usio prajšło dobra», — dadaŭ jon.

ZŠA pasprabujuć stavić pytańnie ab viartańni Ukrainie častki akupavanych terytoryj, ale «damahčysia hetaha składana».

26 lutaha ŭ Biełym domie prajšło pieršaje pasiadžeńnie Trampa z Kabinietam ministraŭ ZŠA. Na im prysutničaŭ taksama Iłan Mask. Tam ža Tramp paćvierdziŭ, što 28 lutaha płanuje sustrecca ź Zialenskim dla padpisańnia pahadnieńnia ab vykapniach.

Na 27 lutaha zapłanavany pieramovy ZŠA i Rasii ŭ Stambule.

Čytajcie taksama:

Poŭny tekst prajekta pahadnieńnia Ukrainy i ZŠA ab vykapniach

Ukraina pahadziłasia na ździełku z ZŠA pa vykapniach, kali Vašynhton źmiakčyŭ svaje patrabavańni

Borys Džonsan padtrymaŭ prapanovu Trampa pa vykapniach va Ukrainie

Kamientary da artykuła