Udzielniki vajny z Ukrainaj, jakija viarnulisia z vajny, zabili ŭ Rasii jak minimum 240 čałaviek
Udzielniki vajny z Ukrainaj zabili ŭ rasijskich rehijonach jak minimum 240 čałaviek. Sudovuju statystyku da treciaj hadaviny ŭvarvańnia praanalizavała vydańnie «7ch7».
Fota: Shutterstock.com
U daśledavańnie žurnalistaŭ trapili tolki vypadki, paćvierdžanyja prysudami pa piaci artykułach, źviazanych z zabojstvam. Niekatoryja spravy jašče razhladajucca, jašče pa niekalkich spravach prysudy nie apublikavanyja abo ź ich kanfiskavanyja źviestki — tak što zabitych moža być bolš, adznačajuć žurnalisty.
Za čas vajny rasijskija sudy vynieśli 225 dastupnych dla analizu prysudaŭ ab zabojstvach, ździejśnienych asobami, jakija viarnulisia z frontu. Achviarami ŭdzielnikaŭ uvarvańnia stali žychary 62 rehijonaŭ Rasii. Bolš za ŭsio zabitych u Krasnadarskim krai i ŭ Kastramskoj vobłaści — pa 14 čałaviek.
Dvanaccać čałaviek zahinuli ad ruk tych, chto viarnuŭsia z vajny va Ukrainie, u Rastoŭskaj vobłaści, dziesiać — u Zabajkalskim krai, dzieviać — u Krasnajarskim krai, pa vosiem — u Vałhahradskaj vobłaści i Piermskim krai.
Achviarami frantavikoŭ stanoviacca nie tolki ich rodnyja i znajomyja, ale i vypadkovyja ludzi: dzieci, piensijaniery, minaki.
Razam z artykułam pra zabojstvy abvinavačanym staviać u vinu siarod inšaha artykuły ab zhvałtavańni i rabavańni. Udzieł u vajnie z Ukrainaj sudy zaličvajuć jak źmiakčalnuju akaličnaść, a atrymanyja tam uznaharody i hramaty — jak prykmietu dobraj reputacyi.