Biełarus sprabavaŭ uvieźci ŭ Rasiju hašyšu amal na 4 miljony jeŭra
Pra zatrymańnie biełarusa, jaki vioz vialikuju partyju hašyšu, paviedamiła Fiederalnaja mytnaja słužba Rasii. Pavodle acenak śpiecyjalistaŭ, na čornym rynku košt partyi vahoj u 140 kh składaje bolš za 350 miljonaŭ rasijskich rubloŭ (kala 3,805 miljona jeŭra).
Hašyš. Fota ilustracyjnaje
«Tavar pieramiaščaŭsia ŭ pustoj fury, jakaja prybyła z Respubliki Biełaruś pad kiravańniem 43-hadovaha mužčyny, u jakoha nie było dakumientaŭ na transpartny srodak, — skazana ŭ paviedamleńni. — Pry nadhladzie mytniki znajšli schovanku pad spalnym miescam u kabinie kiroŭcy. U joj znachodziłasia 150 palimiernych brykietaŭ z rečyvam ciomna-karyčnievaha koleru i śpiecyfičnym pacham. Ekśpiertyza vyznačyła, što heta narkatyčnaje rečyva hašyš».
Pa hetym fakcie zaviedzienaja kryminalnaja sprava pa č. 4 art. 229.1 KK RF (kantrabanda narkatyčnych srodkaŭ u asabliva bujnym pamiery), jakoje praduhledžvaje pakarańnie až da pažyćciovaha pazbaŭleńnia voli.
Čytajcie taksama:
Mužčyna ŭvoziŭ u Biełaruś žujki z hašyšam. Klaniecca, što atrymaŭ ich zamiest rešty
Biełaruskija mytniki pierakryli najbujniejšuju ŭ historyi pastaŭku partyi narkotykaŭ