Chaŭjer Milej padaryŭ Masku bienzapiłu FOTAFAKT
Padčas Kanfierencyi kansiervatyŭnych palityčnych dziejańniaŭ u Vašynhtonie 20 lutaha prezident padaryŭ multymiljarderu bienzapiłu, z anałaham jakoj Milej źjaŭlaŭsia na pieradvybarčych mitynhach u Arhiencinie.
Fota: Jose Luis Magana / AP
Mask vyjšaŭ na scenu ŭ čornaj kiepcy z nadpisam «Make America Great Again» i paviedamiŭ, što Chaŭjer Milej padrychtavaŭ dla jaho padarunak, paviedamlaje AP.
Tady prezident Arhienciny padniaŭsia na scenu z čyrvonaj bienzapiłaj i ŭručyŭ jaje Masku. Na bienzapile byŭ napisany łozunh Mileja: «Viva la libertad, carajo!» U pierakładzie ź ispanskaj heta aznačaje «Žyvie svaboda, jołki pałki»
Mask, kamientujučy padarunak, zajaviŭ: «Heta bienzapiła dla biurakratyi».