Zialenski apublikavaŭ infarmacyju pra sustreču z Kitam Kiełaham
Paśla sustrečy prezidenta Ukrainy Uładzimira Zialenskaha sa śpiecpradstaŭnikom ZŠA pa Ukrainie Kitam Kiełaham admianili zapłanavany napačatku vychad da presy. Paśla, adnak, Zialenski raskazaŭ sam, pra što išła havorka padčas hetaj sustrečy.
Fota: Maxym Marusenko/NurPhoto via Getty Images
«Sustreča z hienierałam Kiełaham. Dobraja razmova, šmat detalaŭ. Udziačny Złučanym Štatam za ŭsiu akazanuju dapamohu i dvuchpartyjnuju padtrymku Ukrainy i ŭkrainskaha naroda.
Heta važna dla nas i dla ŭsiaho svabodnaha śvietu, kab siła ZŠA adčuvałasia. Detalova abmierkavali situacyju na poli boju i toje, jak viarnuć usich našych pałonnych, a taksama dziejsnyja harantyi biaśpieki.
Ukraina z samaj pieršaj siekundy hetaj vajny imkniecca da miru, i my možam i pavinny zrabić mir nadziejnym i tryvałym, kab Rasija bolš nikoli nie zmahła viarnucca z vajnoj. Ukraina hatovaja da mocnaha, sapraŭdy karysnaha pahadnieńnia z prezidentam Złučanych Štataŭ ab inviestycyjach i biaśpiecy. My prapanavali samy chutki i najbolš kanstruktyŭny šlach dasiahnieńnia vyniku. Naša kamanda hatovaja pracavać 24/7.
Pośpiech abjadnoŭvaje. Usim u śviecie patrebny pośpiech u adnosinach sa Złučanymi Štatami.
Dziakuju hienierału Kiełahu za supolnuju pracu dziela dasiahnieńnia važnych vynikaŭ», — napisaŭ Zialenski ŭ svaim telehram-kanale.
Čytajcie taksama:
Amierykancy paprasili admianić vychad da presy paśla sustrečy Zialenskaha z Kiełaham
Chto taki Kit Kiełah, ad mierkavańnia jakoha zaležyć los miru va Ukrainie
Śpiecpradstaŭnik ZŠA pa Rasii i Ukrainie prybyŭ u Kijeŭ
Kiełah: Nichto nie budzie naviazvać Ukrainie mirnaje pahadnieńnie