Russia Today pravodzić u Minsku škołu dla žurnalistaŭ. Pryjechaŭ i Prydybajła
Pradstaŭniki rasijskaha dziaržaŭnaha prapahandysckaha telekanała Russia Today arhanizavali biaspłatnuju miedyjaškołu dla biełaruskich žurnalistaŭ.
Kanstancin Prydybajła na miedyjaškole Russia Today. Fota tut i dalej: «Ruski Dom u Minsku»
Dvuchdzionnaje mierapryjemstva prajšło ŭ budynku pradstaŭnictva Rassupracoŭnictva ŭ Biełarusi «Ruski Dom u Minsku», zaŭvažyła Reform.news.
«Śpikiery RT, videaahienctvy Ruptly i zaprošanyja ekśpierty raskažuć pra žurnalistyku ŭ epochu infarmacyjnaj revalucyi, pra teksty i pracu z aŭdytoryjaj, pra toje, jak pieratvaryć redakcyjnaje zadańnie ŭ zachaplalny siužet, a taksama padzielacca sakretami apieratarskaha majsterstva», — havaryłasia ŭ anonsie škoły.
Miarkujučy pa spravazdačach, raskazvać asnovy prapahandy ŭ Minsk pryjechali hałoŭny redaktar telekampanii «Telekon» Alaksandr Marcirosaŭ, karespandent RT Kanstancin Prydybajła, šef-redaktar videaahienctva Ruptly Žanna Marhunkova, teleapieratar-pastanoŭščyk RT, fiłd-pradziusar ahienctva Ruptly Dźmitryj Samsonaŭ.