Prezident Litvy: Nijakich pieramoŭ biez Ukrainy — heta pytańnie pryncypu
Hitanas Naŭsieda zajaviŭ, što lubaja dyskusija ab budučyni Ukrainy pavinna adbyvacca tolki z udziełam Kijeva. Jon padkreśliŭ, što nijakija kułuarnyja pieramovy biez Ukrainy niedapuščalnyja i heta pryncypovy pytańnie dla ŭsiaho demakratyčnaha śvietu, piša Delfi.lt.
Hitanas Naŭsieda. Fota: Naša Niva
U čaćvier prezident Litvy Hitanas Naŭsieda pravioŭ telefonnuju razmovu z prezidentam Ukrainy Uładzimiram Zialenskim, piša Delfi.lt.
Padčas razmovy kiraŭnik Litvy padkreśliŭ, što niezaležnaść, terytaryjalnaja cełasnaść i prava Ukrainy samastojna vyznačać svajo budučyniu pavinny być harantavanyja.
Pavodle słoŭ prezidenta, lubyja mahčymyja mirnyja pieramovy pavinny hruntavacca na strohim zachavańni pryncypu «ničoha pra Ukrainu biez Ukrainy».
Razvažajučy pra mahčymyja pieramovy, Hitanas Naŭsieda padkreśliŭ, što kančatkovaj metaj pavinna być nie časovaje spynieńnie ahniu, a ŭstojlivy i doŭhaterminovy mir.
«Pieramovy pavinny być skiravanyja nie tolki na zaviaršeńnie vajny, ale i na spynieńnie ahresii. My nie možam stvarać umovy dla taho, kab Rasija ŭzmacniła svoj vajenny patencyjał i znoŭ pahražała ŭsiamu zachodniamu śvietu», — zajaviŭ prezident Litvy.
Čytajcie taksama:
Tramp anansavaŭ sustreču pradstaŭnikoŭ Ukrainy, Rasii i ZŠA ŭ Miunchienie
Samalot ź dziaržsakratarom ZŠA, što lacieŭ u Miunchien, ekstranna viarnuŭsia