Samalot ź dziaržsakratarom ZŠA, što lacieŭ u Miunchien, ekstranna viarnuŭsia
Samalot Vajenna-pavietranych sił ZŠA, na borcie jakoha znachodzilisia dziaržaŭny sakratar Marka Rubia i staršynia Kamiteta Sienata pa mižnarodnych adnosinach Džym Ryš, byŭ vymušany viarnucca ŭ Vašynhton praz techničnuju niaspraŭnaść. Jany nakiroŭvalisia ŭ Hiermaniju dla ŭdziełu ŭ Miunchienskaj kanfierencyi pa biaśpiecy.
Marka Rubia. Fota: AP Photo / Mark Schiefelbein
Incydent adbyŭsia pozna ŭviečary ŭ čaćvier. Pryblizna praz 90 chvilin paśla ŭźlotu z Abjadnanaj bazy Endrus u samalocie C-32 (pieraabstalavany Boeing 757) uźnikli prablemy z łabavym škłom u kabinie piłotaŭ. U suviazi z hetym samalot byŭ vymušany viarnucca na vajskovuju bazu, piša AP.
Pres-sakratarka Dziarždepartamienta ZŠA Temi Brus paćvierdziła incydent i adznačyła, što Rubia «maje namier praciahnuć svaju pajezdku ŭ Hiermaniju i na Blizki Uschod asobnym samalotam».
Pakul nieviadoma, ci paŭpłyvaje hetaja zatrymka na zapłanavanuju sustreču dziaržsakratara Rubia i vice-prezidenta ZŠA Džej Dzi Viensa z prezidentam Ukrainy Uładzimiram Zialenskim, jakaja pavinna adbycca ranicaj u piatnicu ŭ Miunchienie.