Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «M.@rt.Kantakt»
Arhanizatary anansavali start prodažu kvitkoŭ na śpiektakli Mižnarodnaha moładzievaha teatralnaha forumu «M.@rt.Kantakt», jaki projdzie ŭ Mahilovie z 20 pa 27 sakavika. Praŭda, ad mižnarodnaści padziei zastałasia adna nazva.
Monaśpiektakl «Vyratavać kamier-junkiera Puškina» ad Łuhanskaha dramatyčnaha teatr imia M. Hałuboviča. Fota: teatrnaoboronny.ru
U sioletniaj afišy bolšaja častka vystupoŭcaŭ, akramia ŭłasna biełaruskich trup, — heta hości z roznych kutkoŭ Rasii, a taksama z Łuhanska.
Źviartaje ŭvahu i vybar materyjału, u jakim vialikaja ŭvaha nadajecca ruskim piersanalijam i aŭtaram, naprykład, Čechavu ci Puškinu.
Adzin sa śpiektaklaŭ, muzyčnaja kamiedyja «Pierad kinasieansam. Try muzykanty i maja Marusieńka» ŭ aŭtarstvie Maskoŭskaha teatra «Kala doma Stanisłaŭskaha» abiacaje «pieranieści hledača ŭ savieckuju epochu, naradžajučy nastalhiju pa dalokich časach».
Prahrama fiestyvalu. Skrynšot: mogilev.in
Prahrama fiestyvalu. Skrynšot: mogilev.in
Amatary festu taksama źviarnuli ŭvahu na košt kvitkoŭ: u sacsietkach aburajucca cenami ŭ 80-100 rubloŭ za pastanoŭku, što mnohim miascovym budzie nie pa kišeni.
Za čas isnavańnia «M.@rt.Kantakt» (sioleta fiestyval pravodzicca ŭ 18-ty raz) u Mahiloŭ pryvieźli bolš za 300 śpiektaklaŭ z 20 krain śvietu. Fiestyval zaŭsiody ličyŭsia adnoj z samych cikavych teatralnych padziej u krainie. Jašče ŭ 2020 hodzie ŭ afišy byli pradstaŭniki z Polščy, Litvy, Hruzii, Sierbii, ale z taho času prahrama z kožnym hodam, na žal, robicca ŭsio biadniejšaj na mižnarodnuju raznastajnaść.
Čytajcie taksama:
Volnyja Kupałaŭcy pravodziać u Varšavie tydzień teatra i pakazvajuć svaje znakavyja śpiektakli