Łukašenka atrymaŭ vinšavańnie z «pieramohaj» na vybarach ad prezidenta Hruzii
Pres-słužba Łukašenki paviedamiła, što jon atrymaŭ vinšavańnie z «pieramohaj» na vybarach 26 studzienia ad prezidenta Hruzii Michaiła Kaviełašvili.
Michaił Kaviełašvili (sprava) na svajoj inaŭhuracyi 29 śniežnia 2024 hoda ź niefarmalnym kiraŭnikom «Hruzinskaj mary» Bidzinam Ivanišvili. Fota: Irakli Gedenidze/Pool Photo via AP
«Chaču pavinšavać vas z abrańniem na pasadu prezidenta Respubliki Biełaruś i pažadać vam pośpiechu ŭ vašaj dziejnaści», — adznačaje Kaviełašvili, adnačasova padziakavaŭšy Łukašenku za jahonaje raniejšaje vinšavańnie.
Taksama ŭ vinšavańni Kaviełašvili adznačajecca, što padmurkam adnosin pamiž Hruzijaj i Biełaruśsiu źjaŭlajecca «uzajemnaja pavaha suvierenitetu i terytaryjalnaj cełasnaści».
Inaŭhuracyja samoha Michaiła Kaviełašvili prajšła 29 śniežnia minułaha hoda. Jahonuju lehitymnaść nie pryznaje miascovaja apazicyja i častka mižnarodnych partnioraŭ krainy, pakolki majuć pytańnie da demakratyčnaści parłamienckich vybaraŭ, praviedzienych pierad tym. Na ich pavodle aficyjnych źviestak pieramahła partyja «Hruzinskaja mara», jakaja ŭtrymlivaje ŭładu ŭ krainie z 2012 hoda.
Čytajcie taksama:
Erdahan pavinšavaŭ Łukašenku z «pieramohaj» na vybarach
Małdova aficyjna zajaviła pra niepryznańnie vybaraŭ Łukašenki
Łukašenka dačakaŭsia vinšavańnia ad prezidenta Irana
Jakija krainy vinšavali Łukašenku ź pieramohaj u 2020-m, a ciapier ihnarujuć jaho «pieraabrańnie»