U Viciebsku sudzili miascovaha žurnalista i kulturołaha
7 lutaha ŭ raskładzie suda Pieršamajskaha rajona Viciebska źjaviłasia imia i proźvišča Hieorhija Karžanieŭskaha, žurnalista i kulturołaha, jaki rabiŭ ahlady mastackich padziej dla roznych rehijanalnych vydańniaŭ. Jaho vinavacili ŭ «raspaŭsiudzie ekstremizmu» i «prapahandzie nacysckaj simvoliki», piša «Viciebskaja viasna».
Hieorhij Karžanieŭski
Administracyjnuju spravu Hieorhija Karžanieŭskaha pavodle č. 2 art. 19.11 KaAP i č. 2 art. 19.10 KaAP raźbirała sudździa Kaciaryna Cybulskaja.
Sudovaje rašeńnie pa spravie Karžanieŭskaha pakul nie viadomaje. U apošnija hady jon adyšoŭ ad žurnalisckaj pracy, a bolš zajmaŭsia ŭłasnymi kulturałahičnymi prajektami, čas ad času jeździačy za miažu — na zarobki i da siabroŭ.
Čytajcie taksama:
U Homieli pavodle dvuch artykułaŭ buduć sudzić studenta ŭniviersiteta imia Skaryny
Žurnalista Ihara Iljaša abvinavačvajuć pa dvuch kryminalnych artykułach