Ukrainskija vajskoŭcy źbili na Danbasie rasijski samalot Su-25 VIDEA

Ukrainskija vajskoŭcy z 28-j asobnaj miechanizavanaj bryhady imia Rycaraŭ Zimovaha Pachodu 8 lutaha źbili rasijski bajavy samalot Su-25. Samalot udałosia źbić na Tareckim kirunku na Danbasie.

Skrynšot ź videa

«Jašče adnym rasijskim šturmavikom stała mienš na Tareckim kirunku dziakujučy našym vajaram SPA», — paviedamili ŭ bryhadzie.

Paśla vajskoŭcy apublikavali videa źbićcia samalota i raskazali, što «pryziamlić» šturmavik atrymałasia pry dapamozie pieranosnaha zienitna-rakietnaha kompleksa «Ihła». Atakavali samalot zvodnaje zienitna-rakietnaje padraździaleńnie 28-j asobnaj miechanizavanaj bryhady i 57-ha asobnaha bataljona Sił terytaryjalnaj abarony.

Paśla źbićcia samalota rasijski viertalot Mi-8 sprabavaŭ evakujavać piłota, ale pa im taksama ŭdaryli i, vierahodna, paškodzili.

«Viertalot, kulhajučy, viarnuŭsia nazad i maje patrebu ŭ niemałym ramoncie. Piłot varožaha Su-25 zastaŭsia kinuty», — paviedamili ŭ 28-j bryhadzie.

Pavodle źviestak Hienieralnaha štaba USU, z pačatku poŭnamaštabnaj vajny ŭkrainskija vajskoŭcy źbili 369 samalotaŭ i 331 viertalot rasijskaj armii.

Kamientary da artykuła