Novy budynak Nacyjanalnaha histaryčnaha muzieja pabudujuć da 2027 hoda

Łukašenka 5 lutaha padpisaŭ ukaz, jakim praduhledžvajecca budaŭnictva ŭ 2025-2027 hadach u rajonie vulicy Arłoŭskaj u Minsku Nacyjanalnaha histaryčnaha muzieja Biełarusi, Parku narodnaha adzinstva, a taksama stvareńnie pastajannaj ekspazicyi muzieja.

Zapłanavany hałoŭny fasad novaha Nacyjanalnaha histaryčnaha muzieja.

Paviedamlajecca, što muzieju prysvojeny status Usiebiełaruskaj moładzievaj budoŭli, udzieł u jakoj mohuć pryniać maładyja ludzi va ŭzroście da 31 hoda, u tym liku ŭ składzie studenckich atradaŭ.

Ideja z novym budynkam dla histaryčnaha muzieja nie novaja, jana pieryjadyčna ŭspłyvała ŭžo šmat hod. To muziej chacieli pieranieści na nievialiki plac kala muzieja Vialikaj Ajčynnaj vajny, to advieści pad jaho častku muziejnaha kvartała ŭ histaryčnym centry.

Ale ŭ minułym hodzie Alaksandru Łukašenku prezientavali prajekt muzieja ŭ rajonie vulicy Arłoŭskaj. Na jakaść prajekta źviarnuli ŭvahu architektary. Taki prajekt, na ich dumku, było b soramna pakazvać navat studentam va ŭniviersitecie.

Kamientary da artykuła