Žycharka Łatvii jechała praź miažu z abjomnaj dublonkaj. U mytnikaŭ zakralisia padazreńni
Unutry dublonki ŭ sałonie aŭtamabila žančyna schavała častki abstalavańnia sistemy «Razumny dom», spakavanyja ŭ kałhotki. Košt hetaha tavaru skłaŭ bolš za 26 000 rubloŭ.
Žančyna aformiła na miažy časovy ŭvoz aŭtamabila i zajaviła, što nie maje inšych tavaraŭ, jakija treba dekłaravać. Adnak, jak paviedamlajuć u Mytnym kamitecie, jana zahadzia viedała, što pieravyšaje ŭstanoŭlenyja limity biaspošlinnaha ŭvozu i ŭžo raniej sprabavała niezakonna ŭvieźci taki tavar u Biełaruś.
Abstalavańnie kanfiskavana, suprać hramadzianki Łatvii zaviedzienaja administracyjnaja sprava. Jana moža atrymać štraf da 30 bazavych (1260 rubloŭ).