Na Viciebščynie za chabar sudziać «Žančynu hoda»
Taćciana Parfionienka była hałoŭnym buchhałtaram ilnozavoda, pra jaje nieadnarazova pisała rajonka.
Fota: Dubrovienski rajvykankam
U Dubrovienskim rajonie za chabar buduć sudzić Taćcianu Parfionienka — hałoŭnaha buchhałtara Dubrovienskaha lnozavoda.
U 2023 hodzie Parfionienka atrymała zvańnie «Žančyna hoda Dubrovienščyny» ŭ naminacyi «Žančyna ŭ sistemie pramysłovaha kompleksu i budaŭnictva», piša Orsha.eu.
Taćciana nieadnarazova rabiłasia hierainiaj artykułaŭ u rajonnaj haziecie «Dniaproŭskaja praŭda», dzie raskazvała pra pośpiechi pradpryjemstva, u buchhałteryi jakoha adpracavała amal 18 hadoŭ. Praŭda, z 2024 hoda imia buchhałtarki ŭ rajonie bolš nie fihuruje. Vierahodna, na jaje zaviali kryminalnuju spravu.
U vieraśni 2024 hoda Dubrovienskim ilnozavodam zacikaviŭsia Śledčy kamitet. Była zaviedzienaja kryminalnaja sprava ŭ suviazi z karupcyjnymi schiemami ŭ halinie budaŭnictva. U buchhałteryi pradpryjemstva prajšli pieratrusy, padčas jakich byli kanfiskavanyja finansavyja dakumienty.
Čytajcie taksama:
Stała viadoma, za što buduć sudzić pieršaha namieśnika načalnika Kiraŭnictva spravami Łukašenki
Hienprakuror Švied anansavaŭ novyja hučnyja kryminalnyja spravy pa karupcyi