Cichanoŭskaja abmierkavała z dypłamatami padtrymku biełaruskich inicyjatyŭ
Sustreča Śviatłany Cichanoŭskaj z 9 śpiecpasłańnikami i ambasadarami Paŭnočna-bałtyjskich krain adbyłasia ŭ Vilni.
Sustreča Cichanoŭskaj z dypłamatami Paŭnočna-Bałtyjskich krainaŭ u Vilni. Fota: ofis Śviatłany Cichanoŭskaj
Na sustrečy sa Śviatłanaj Cichanoŭskaj prysutničali dypłamaty Danii, Isłandyi, Finlandyi, Łatvii, Estonii, Narviehii, Litvy, Polščy i Šviecyi.
Jak piša pres-słužba ofisa Cichanoŭskaj, značnaja ŭvaha ŭ razmovie z pradstaŭnikami zamiežnych krain nadavałasia padtrymcy ZŠA niezaležnych miedyja i hramadzianskaj supolnaści.
Siarod inšych temaŭ abmierkavańnia z zamiežnymi dypłamatami byli: niepryznańnie «vybaraŭ» i status Łukašenki, represii i vyzvaleńnie palitviaźniaŭ, stratehija demsiłaŭ na 2025 hod, supracoŭnictva ź mižnarodnaj supolnaściu i lehalizacyja biełarusaŭ u zamiežžy.