Vyrablenaja vintoŭka imia Maryi Zajcavaj
Imiennaja snajpierskaja vintoŭka imia Maryi Zajcavaj hatovaja i ŭračysta ŭručanaja adnamu z najlepšych snajpieraŭ Ukrainskaha vojska.
Kiraŭnik vałanciorskaha prajektu Jury Čarnamorac i snajpier, jakomu ŭručajuć vintoŭku imia Maryi Zajcavaj. Fota: Jurij Pavłovič / Facebook
Na vintoŭku danacili nie tolki biełarusy, jakija pražyvajuć za miažoj, ale i ŭkraincy dy biełarusy, jakija vajujuć u składzie ZSU. Da zboru dałučyłasia vialikaja kolkaść nieabyjakavych ludziej, piša Biełsat.
Maryja Zajcava zahinuła 16 studzienia na Danbasie. Jana vajavała ŭ składzie Druhoj internacyjanalnaj bryhady. Dziaŭčyna zapisałasia dobraachvotnicaju paśla poŭnamaštabnaha ŭvarvańnia rasiejskich ahresaraŭ va Ukrainu i pačynała na pieradavoj jak miedyk. Ale potym paprasiła kamandzira adpravić jaje na kursy snajpieraŭ. Kamandavańnie lehijonu adznačaje, što Maryja była śmiełaju i dziejsnaju snajpierkaj.
Pra Maryju Zajcavu biełarusy daviedalisia jašče ŭ 2020-m padčas pratestaŭ suprać falsifikacyi vynikaŭ hałasavańnia na prezidenckich vybarach. Maryja atrymała ranieńnie śviatłošumavoj hranataj. U Biełarusi joj zrabili niekalki apieracyjaŭ, a paśla pieravieźli ŭ Čechiju. Adtul jana pryjechała vajavać va Ukrainu.
@nashaniva «Na vajnie ja ščaślivaja». Uspaminy siabra pra Maryju Zajcavu #protiesty #vybory #2020 #bčb #mašazajcieva #vsu #zsu #połkkalinoŭskaha #politika #novosti #biełaruś ♬ Interstellar - Saymon Cleiton & jhonatan Rodrigues
Na imiennaj vintoŭcy, vyrablenaj u Niamieččynie, vysiečanaje imia Maryi i biełaruski hierb Pahonia. Vintoŭku pavodle tradycyi pieradali najlepšamu snajpieru USU, ale da jaje patrebnyja jašče patrony i dadatkovaje abstalavańnie, jakija kaštujuć taksama niemałych hrošaj.
Čytajcie taksama:
«Jaje ŭsie bierahli, jak mahli». Kamandziry — pra Maryju Zajcavu, jakaja zahinuła va Ukrainie
«Jana stała snajpieram». Stali viadomyja abstaviny hibieli va Ukrainie 24-hadovaj Maryi Zajcavaj