Złodziej zalez u kvateru praz dach, spuściŭšysia ŭ kvateru praz pavierch na viaroŭcy
U Čašnikach u milicyju źviarnuŭsia 70-hadovy žychar Novałukomla z zajavaj ab kradziažy z kvatery. Źnikła bolš za 22 tysiačy dalaraŭ, kala troch tysiač jeŭra i juvielirnyja vyraby.
Apieratyŭniki ŭstanavili asobu i zatrymali padazravanaha — 55-hadovaha miascovaha žychara. Mužčyna raniej pracavaŭ u firmie, dzie paciarpieły byŭ namieśnikam dyrektara, paviedamlaje «Milicyja Viciebščyny».
Złamyśnik mierkavaŭ, što były kiraŭnik zachoŭvaje doma bujnuju sumu hrošaj — padrychtoŭka da kradziažu doŭžyłasia kala miesiaca.
Dačakaŭšysia adjezdu achviary ŭ Minsk, złodziej unačy ŭźniaŭsia na dach piacipaviarchovaha doma, z dapamohaj viaroŭki spuściŭsia na čaćviorty pavierch, raźbiŭ škłopakiet, pranik u kvateru i vynies kaštoŭnaści.
Skradzienaje schavaŭ u tajniku za 20 kiłamietraŭ ad svajho doma. Bolšaja častka kaštoŭnaściej znojdziena i budzie viernuta.
Śledčyja raspačali kryminalnuju spravu za kradziež u asabliva bujnym pamiery. Zatrymanamu pahražaje da 12 hadoŭ pazbaŭleńnia voli. Raniej mužčyna byŭ sudzimy za kradziažy i ŭhony aŭtatranspartu.