U Žłobinie buduć vypuskać «inavacyjnyja biejsbołki». Na ich chočuć zarabić 270 tysiač dalaraŭ
Dla vytvorčaści impartazamiaščalnych biejsbołak buduć madernizavać abstalavańnie.
Ilustracyjnaje fota: BiełTA
Žłobinskaja šviejnaja fabryka ŭ najbližejšyja dva hady źbirajecca asvoić vytvorčaść biejsbołak. Usio dziela impartazamiaščeńnia.
Dyrektar fabryki Taćciana Osipava raskazała, što na pradpryjemstvie jość usio nieabchodnaje dla stvareńnia novaj pradukcyi, piša BiełTA.
Pad vytvorčaść biejsbołak fabryka zapłanavała ceły prajekt. Pry hetym dla pradpryjemstva hetaja pradukcyja źjaŭlajecca inavacyjnaj i impartazamiaščalnaj. U čym inavacyjnaść papularnaha jašče z 1970-ch hadoŭ hałaŭnoha ŭboru, nie paviedamlajecca.
Płany ŭ fabryki ambicyjnyja: za košt zapusku novaha praduktu pradpryjemstva źbirajecca pavialičyć vytvorčaść impartazamiaščalnaj pradukcyi na 270 tysiač dalaraŭ.
Darečy, u 2024 hodzie fabryka stała «Vytvorcam hoda» ŭ konkursie «Impartazamiaščeńnie».