Nakolki vyrasła cana na kvatery ŭ Minsku za čatyry hady?
Najbolšy skačok cany naziraŭsia ŭ 2024-m.
Ahientcva «Avanhard nieruchomaść» padzialiłasia statystykaj pa staličnym rynku nieruchomaści.
U 2024 hodzie ŭ Minsku prajšło 17 499 ździełak (biez uliku prodažaŭ dolaj i pakojaŭ). Heta rost na 5,54% da pakazčyka 2023 hoda — 16 580 ździełki. Rost kolkaści ździełak z kvaterami nazirajecca ŭžo treci hod zapar.
Razam z kolkaściu ździełak ros i siaredni košt kvadratnaha mietra. Praktyčna kožny miesiac nazirałasia plus 20-30 dalaraŭ da rekordnaha pakazčyku minułaha miesiaca.
Za hod siaredni košt kvadratnaha mietra pavialičyŭsia na 12%. Kali ŭ 2023-m jon kaštavaŭ $1366, to ŭ 2024-m — $1530.
Hrafik źmianieńnia siaredniaha koštu kvadratnaha mietra pa miesiacach za 2023 i 2024 hady. Hrafik: ahientcva «Avanhard nieruchomaść»
Siaredniaja cana kvadrata vyrasła va ŭsich siehmientach kvater.
Kali paraŭnoŭvać ceny za raniejšyja hady, to ŭ 2021-m kvadratny mietr u stalicy ŭ siarednim kaštavaŭ 1304 dalary, a ŭ 2022-m — 1298. Za čatyry hady rost cany skłaŭ 17%.
Vynikovy siaredni košt kvadratnaha mietra kvater u Minsku za 2021, 2022, 2023 i 2024 hady. Hrafik: ahientcva «Avanhard nieruchomaść»