Łukašenka ŭpieršyniu źjaviŭsia na publicy razam z mamaj Koli
Palityk sa śvitaj z bałkona naziraŭ za kancertam u svoj honar. Voś chto jaho akružaŭ.
Łukašenka sa śvitaj u «Minsk-Arenie». Skrynšot tranślacyi
Siońnia ŭ «Minsk-Arenie» prachodzić finalny kancert tak zvanaha «Marafonu adzinstva». Heta sieryja mierapryjemstvaŭ u padtrymku Alaksandra Łukašenki.
Na kancercie źjaviŭsia i sam palityk sa svaim blizkim kołam. Cikavy skład tych, kaho Łukašenka pasadziŭ pobač z saboj.
Pravaruč ad jaho — małodšy i lubimy syn Kola Łukašenka, asabistaja doktarka Śviatłana Kanašenka, hienieralny sakratar Nacyjanalnaha alimpijskaha kamiteta Ksienija Sankovič, pres-sakratarka Natalla Ejsmant.
Pa levuju ruku — madel Nastaśsia Kazyryckaja, blizki paplečnik Viktar Šejman, maci Koli Iryna Abielskaja, jaje syn-aftalmołah Dźmitryj Abielski z, padobna, svajoj dziaŭčynaj, płastyčnym chirurham Dzinaj El-Dziefi Fiejsał.
Heta niezvyčajna — raniej Łukašenka nikoli publična nie sadziŭ Abielskuju pobač z saboj.
U nižnim šerahu možna zaŭvažyć biznesoŭca Siarhieja Ciacieryna, sienatara i taksama ź niadaŭnich por najbahaciejšaha biznesoŭca Dźmitryja Baskava. A taksama dyrektarku Nacyjanalnaj škoły pryhažości Baženu Jaremič i byłuju himnastku Luboŭ Čarkašynu.
Łukašenka sa śvitaj u «Minsk-Arenie». Skrynšot tranślacyi