Vjetnam i Biełaruś zajavili pra admienu viz
Biełaruś i Vjetnam zajavili ab admienie viz z 30 studzienia 2025 hoda. Padrabiaznaści ahučyli BiełTA ŭ pasolstvie Biełarusi ŭ Vjetnamie.
Fota: Union-travel.ru
U paviedamleńni skazana, što z 30 studzienia 2025 hoda ŭstupaje ŭ siłu pahadnieńnie pamiž uradami Biełarusi i Vjetnama, jakoje tyčycca ŭzajemnaj admieny viz dla ŭładalnikaŭ nacyjanalnych pašpartoŭ.
Zhodna z dakumientam, hramadzianie dźviuch krain, u jakich jość sapraŭdnyja nacyjanalnyja pašparty, zmohuć ujazdžać, vyjazdžać, znachodzicca i (abo) prajazdžać tranzitam praz terytoryi Biełarusi i Vjetnama pry nastupnaje umovie: termin znachodžańnia pavinien nie pieravyšać 30 dzion.
Taksama havorycca, što ahulny termin znachodžańnia na terytoryi adnoj ź dziaržavy nie pavinien być bolš za 90 dzion na praciahu hoda.
U pasolstvie Biełarusi ŭ Vjetnamie adznačyli, što hramadzianie adnaho z bakoŭ pahadnieńnia, jakija płanujuć znachodzicca na terytoryi dziaržavy inšaha boku bolš za 30 dzion, pavinny zahadzia aformić adpaviednuju vizu niezaležna ad mety pajezdki.