Łaŭreata konkursaŭ vakalistaŭ i ŭdzielnika pieŭčaha choru buduć sudzić za pratesty
22 studzienia ŭ sudzie Maskoŭskaha rajona Minska pačniecca razhlad kryminalnaj spravy ŭ dačynieńni da Daniela-Łandsieja Kiejty. Praces budzie ŭznačalvać sudździa Taćciana Pirožnikava, piša «Viasna».
Pra zatrymańnie chłopca stała viadoma ŭ červieni — na videa, jakoje źniali siłaviki, jon «pryznavaŭsia» ŭ tym, što ŭ 2020 hodzie ŭdzielničaŭ u akcyjach pratestu, pakidaŭ niehatyŭnyja kamientary pra milicyjantaŭ i pradstaŭnikoŭ ułady, a taksama drenna staviŭsia da rasijskich vajskoŭcaŭ, jakija vajujuć va Ukrainie.
Viadoma, što zatrymany — łaŭreat I stupieni respublikanskaha konkursu junych vakalistaŭ imia Šalapina i łaŭreat III stupieni mižnarodnaha konkursu junych vakalistaŭ imia Šalapina.