Biełarusy vykazali najbolšuju achvotu naviedvać tysiačahadovy ispanski zamak

Biełarusy stali ŭ 2024 hodzie lidarami pa kolkaści zamiežnych turystaŭ, jakija zarehistravalisia pry naviedvańni zamka Tarycha ŭ adnajmiennym ispanskim horadzie, raźmieščanym u pravincyi Hvadałachara aŭtanomnaj supolnaści Kastylija-ła-Manča, zaŭvažyŭ sajt «Biełaruś i mir».

Zamak Tarycha. Fota: staronka Centra pa sadziejničańni turyzmu ŭ fejsbuku

Pra heta paviedamiŭ Centr pa sadziejničańni turyzmu pravincyi Hvadałachara, jaki ciapier mieścicca akurat u hetym zamku, pabudavanym rycarami-tamplijerami ŭ XI stahodździ.

Usiaho za hod centram było zarehistravana 25 584 naviedvalniki zamka. Ź ich nie byli ispancami 454 čałavieki z 41 dziaržavy Jeŭropy, Amieryki, Azii i Afryki.

Bolš za ŭsio dapytlivych turystaŭ akazałasia mienavita ź Biełarusi — 48 čałaviek, ci 10,57% ad ahulnaj kolkaści. Zusim troški ad našych suajčyńnikaŭ adstali hości z ZŠA, jakich pryjazdžała 46 čałaviek, ci 10,13%.

Dalej u hetym rejtynhu iduć brytancy (37 turystaŭ, ci 8,14%), francuzy (32 turysty, ci 7,04%) i palaki (26 turystaŭ, ci 5,72%).

Kamientary da artykuła