Ad zaŭtra ŭ Biełaruś možna budzie zajazdžać pa rasijskich vizach
Z 11 studzienia 2025 hoda ŭ siłu ŭstupaje pahadnieńnie pamiž Biełaruśsiu i Rasijaj ab uzajemnym pryznańni viz, paviedamlaje Ministerstva zamiežnych spraŭ. Heta značyć, što inšaziemcy, jakija majuć vizu adnoj z krain, zmohuć svabodna ŭjazdžać i pieramiaščacca pa terytoryi inšaj.
Fota ilustracyjnaje
Adpaviednaje pahadnieńnie było padpisana ŭ červieni 2020 hoda, ale dziejničać pačynaje tolki ciapier.
Zamiežnym hramadzianam ź vizami adnoj z krain ciapier nie treba budzie asobna afarmlać vizu dla inšaj, kali jany zachočuć naviedać abiedźvie krainy. Akramia taho, kali turyst pryjazdžaje z treciaj krainy, jaho termin znachodžańnia budzie adličvacca z momantu pierasiačeńnia miažy adnoj ź dziaržaŭ.
Dziejańnie pahadnieńnia nie raspaŭsiudžvajecca na inšaziemcaŭ z abmiežavańniami na ŭjezd.
Pamiž Biełaruśsiu i Rasijaj jość šeść pamiežnych punktaŭ, dzie inšaziemcam možna budzie pierasiakać miažu.
Čytajcie taksama:
Wizz Air admoviŭ biełaruscy z polskim prajaznym dakumientam u pasadcy na rejs na Kipr