Biełaruski traktar sabraŭ u tyktoku 5 miljonaŭ prahladaŭ
«Hety saviecki traktar pracuje na harełcy i kamuniźmie».
Skrynšoty videa z tyktoku
Amierykanski błohier, jaki pradaje roznuju techniku dla ziamielnych učastkaŭ, vykłaŭ videa ź biełaruskim traktaram, zroblenym jašče za savieckim časam. Inšy mužčyna ŭ kadry kaža jamu, što šyny treba mianiać kožnyja 10 hadoŭ, na što błohier azadačana čuchaje hałavu: na šynach jaho traktara staić klajmo «zroblena ŭ SSSR».
«Hety saviecki traktar «Biełaruś» pracuje na harełcy i kamuniźmie», — z humaram padpisaŭ rolik chłopiec.
Videa sabrała 5,2 miljona prahladaŭ.
U kamientarach žartujuć: «Bro, hetyja šyny pieražyli Sajuz».
«Ščyra kažučy, heta ŭražvaje», — piša adzin z karystalnikaŭ.
Chtości zhadvaje, što dahetul karystajecca savieckaj technikaj — traktarami ad MTZ i chaładzilnikami ad «Atłanta».