Ukrainskija vajskoŭcy pačali vykarystoŭvać bieśpiłotniki z vałakonna-aptyčnym kanałam kiravańnia
Hałoŭnakamandujučy Uzbrojenymi siłami Ukrainy Alaksandr Syrski paviedamiŭ, što Siły bieśpiłotnych kompleksaŭ USU pačali vykarystoŭvać na froncie bieśpiłotniki z optavałakonnym kanałam kiravańnia.
Ukrainski dron na optavałaknie «Banderyk-stužka», pradstaŭleny ŭ sakaviku 2024 hoda. Fota: «Dranarnia»
Pavodle słoŭ Alaksandra Syrskaha, nazirajecca dalejšy rost kolkaści bieśpiłotnych sistem, jakija vykarystoŭvajucca na poli boju.
Raniej dolu ŭdarnych bieśpiłotnikaŭ z optavałakonnym kanałam kiravańnia, jakija ŭjaŭlajuć pahrozu dla vajskovaj techniki pry jaje pieramiaščeńni, značna pavialičyła Rasija.
«Adnak my nie staim na miescy i taksama pačali vykarystoŭvać optavałakonnyja FPV-drony, što pašyraje mahčymaści pa źniščeńni rasijskaj vajennaj techniki i asabovaha składu», — skazaŭ Alaksandr Syrski.
Pavodle słoŭ ukrainskaha hałoŭnakamandujučaha, u śniežni apieratary bieśpiłotnych kompleksaŭ Sił abarony Ukrainy parazili bolš za 54 tysiač abjektaŭ praciŭnika. Amal pałovu hetaha vyniku — 49% — zabiaśpiečyli drony-kamikadze, padkreśliŭ Syrski.
Pa vynikach pracy ŭ čaściach i padraździaleńniach, jakija viaduć abarončuju apieracyju ŭ Danieckaj vobłaści, jon zajaviŭ, što armija Rasii ciapier niasie rekordnyja straty.
Čytajcie taksama:
Ukraina praspała dronavuju revalucyju? Čamu optavałakonnyja drony mianiajuć mnohaje na poli boju
Rasija pačała ŭžyvać drony, što kirujucca praz optavałakonny kabiel
U Zaparožskaj vobłaści HUR zabiła načalnika štaba rasijskaha bataljona