Za tydzień pa kryminalnych palityčnych spravach sudzili 82 čałavieki

Z 9 pa 13 śniežnia ŭ biełaruskich sudach razhladali 52 kryminalnyja palityčnyja spravy, u miežach jakich sudzili 82 čałavieki. Minimum 12 sudovych pracesaŭ prachodziła ŭ zakrytym režymie, padličyła «Viasna».

Fota ilustracyjnaje

Najbolš raspaŭsiudžany palityčny kryminalny artykuł — «narodny» artykuł 342 KK. U miežach 23 spraŭ pavodle jaho sudzili 43 čałavieki — pałovu z usich asudžanych. Za «zdradu dziaržavie» na minułym tydni sudzili minimum dzieviać čałaviek.

Aproč hetaha, było razhledžana 18 apielacyj na prysudy, źviazanyja z palityčnymi spravami. Pa ŭsioj krainie ŭ palityčnych sudach brali ŭdzieł jak minimum 45 sudździaŭ. Alena Šylko ź Minskaha haradskoha suda, Siarhiej Bahinski z Homielskaha abłasnoha suda, Michaił Makarevič ź Minskaha haradskoha suda paśpieli razhledzieć na hetym tydni pa dźvie palityčnyja spravy.

Kamientary da artykuła