Dziaŭčyna padabrała zabyty bukiet z ružaŭ, vykinuła jaho ŭ śmietnicu i atrymała kryminałku
Dziŭnaja historyja adbyłasia ŭ adnoj z ustanoŭ Minska.
Skrynšot ź videa MUS
Dziaŭčyna z mužam adpačyvała ŭ adnoj z ustanoŭ Minska. Jana źviarnuła ŭvahu na vielizarny bukiet z 63 ruž, jaki chtości zabyŭsia kala stolika.
19-hadovaja dziaŭčyna vyrašyła zabrać kvietki sabie. Niejki čas jana prahulałasia z raskošnym bukietam pa vulicy, ale potym vyrašyła jaho vykinuć: kvietki zaviali. Muž kupiŭ dziaŭčynie novyja kvietki, i jany pajšli dadomu.
Ale nieŭzabavie da ich u dźviery pastukała milicyja. Akazvajecca, uładalnik bukieta napisaŭ zajavu ab źniknieńni kvietak. Žychar Bresta patłumačyŭ, što kupiŭ bukiet dla svajoj dziaŭčyny, ale vypadkova pakinuŭ jaho ŭ kaviarni.
Suprać dziaŭčyny, jakaja zabrała kvietki, zaviali kryminalnuju spravu ab kradziažy.
Čytajcie taksama:
U žonki biełaruskaha tenisista ŭ Pieciarburhu ściahnuli załaty łancužok
U Italii za kradziež z restaranaŭ zatrymali biełarusa
U Hiermanii i Aŭstryi za kradziažy z kramaŭ zatrymali biełarusaŭ