«Savuškaŭ pradukt» abjaviŭ pra rebrendynh
«Savuškaŭ pradukt» praviadzie rebrendynh. Źmieniacca nie tolki łahatyp i ŭpakoŭka praduktaŭ, ale i ŭ cełym pazicyjanavańnie na rynku, paviedamili ŭ kampanii vydańniu Office Life.
Tak budzie vyhladać novaja ŭpakoŭka. Fota: «Savuškaŭ pradukt»
Heta treci rebrendynh u historyi brenda «Savuškaŭ pradukt». U asnovie maštabnaj transfarmacyi zajaŭlenaja ideja «Savuškaŭ — krynica zdarovaha žyćcia».
Padčas rebrendynhu prykmietna źmienicca dyzajn upakoŭki viadomych małočnych praduktaŭ. Tam źjavicca abnoŭleny łahatyp.
Fota: «Savuškaŭ pradukt»
U karparatyŭnaha brenda «Savuškaŭ» taksama budzie novaje łoha. Na im — žoŭty kruh jak simvał sonca, a jano pazicyjanujecca jak krynica žyćcia, enierhii, adzinstva, zładžanaj sumiesnaj pracy i imknieńnia da ahulnaj mety.
Ukaraniać novuju ajdentyku buduć pastupova. Łoha kampanii ŭ pieršuju čarhu źjavicca kala hałoŭnaha ofisa ŭ Breście, paźniej — na vytvorčych budynkach u inšych haradach, na brendavanym aŭtatransparcie — małakavozach i hruzavikach.
«Savuškaŭ pradukt» uvachodzić u hrupu kampanij Santa i zajmaje adno ź viadučych miescaŭ na rynku małočnaj pradukcyi SND. Heta siem vytvorčych placovak, čatyry ŭłasnyja sielskahaspadarčyja pradpryjemstvy, handlovyja filijały ŭ abłasnych haradach krainy, Rasii, Kitai i 8,5 tys. čałaviek supracoŭnikaŭ.
Čytajcie taksama:
Uładalnik «Savuškavaha pradukta» i «Santa-Bremara» try hady žyvie ŭ Varšavie
«Ja nie viedaju, za što možna dakarać Mašenskaha» — Knyrovič
Załataja śmiatana i deficytny sieladziec: pa kolki biełaruskija pradukty pradajuć u Emiratach
«Savuškaŭ pradukt» zapuściŭ u Pinsku soniečnuju elektrastancyju