Pientahon nazvaŭ vydatki Rasii na vajnu z Ukrainaj
Kiraŭnik Pientahona Łojd Ościn padčas vystupu na Nacyjanalnym forumie pa biaśpiecy Ronalda Rejhana ŭ Kalifornii acaniŭ vydatki Rasii ŭ vajnie z Ukrainaj ź lutaha 2022 hoda.
Łojd Ościn. Fota: Michael Probst / AP
Pa słovach Ościna, vajennyja vydatki Kramla ŭžo pieravysili 200 miljardaŭ dołaraŭ.
Taksama, pavodle jaho słoŭ, Rasija straciła nie mienš za 700 tysiač vajskoŭcaŭ zabitymi i paranienymi z pačatku ŭvarvańnia va Ukrainu ŭ lutym 2022 hoda.
Ościn nazvaŭ hetyja ličby «ašałamlalnaj canoj», jakuju Rasija płacić za svaju ahresiju.
Kiraŭnik Pientahona padkreśliŭ važnaść supraćdziejańnia Kramlu i padtrymcy Ukrainy. Jon adznačyŭ pośpiechi mižnarodnaj kantaktnaj hrupy «Ramštajn», jakaja zabiaśpiečyła Ukrainu bolš jak 57 miljardami dołaraŭ pramoj dapamohi ŭ śfiery biaśpieki. Sumu dapamohi ZŠA ŭ halinie biaśpieki, vydzielenaj Ukrainie ź lutaha 2022 hoda, jon acaniŭ u 62 miljardy dołaraŭ.