U Paryžy ŭračysta adkryli adnoŭleny Notr-Dam FOTY

Prezident Francyi Emanuel Makron uračysta adkryŭ Sabor Paryžskaj Božaj Maci (Notr-Dam), adnoŭleny praź piać hadoŭ paśla pažaru. Na cyrymoniju źjechalisia mnohija vysokapastaŭlenyja hości z roznych krain, piša Ruskaja słužba Bi-bi-si.

Pascal Le Segretain/Getty Images for Notre-Dame de Paris

Sabor nie tolki adnavili paśla pažaru, ale i ačyścili ad śladoŭ šmatviakovych pyłu i sažy, z-za čaho jon vyhladaje śviatlejšym, čym raniej.

Fota: AP Photo/Thibault Camus, Pool

Praŭda, restaŭracyjnyja raboty ŭsio jašče nie zavieršanyja: budaŭničyja ryštavańni dahetul atačajuć uschodniuju častku sabora.

Fota: AP Photo/Thibault Camus, Pool

Siońnia adbyłasia śvieckaja ŭračystaja cyrymonija, a zaŭtra, 8 śniežnia, u sabory projdzie pieršaja katalickaja imša. Budzie aśviečany novy ałtar sabora, jaki byŭ sprajektavany sučasnym mastakom Hijomam Barde.

Fota: AP Photo/Thibault Camus, Pool

Častkaj siońniašniaj cyrymonii było «abudžeńnie» arhana: jon nie hraŭ z momantu pažaru, a ciapier instrumient na 8000 trub adrestaŭravany i ačyščany ad pyłu. Na im syhrali čatyry arhanisty.

Fota: AP Photo/Thibault Camus, Pool

Z-za štormu «Dara» cyrymoniju było vyrašana pravodzić całkam unutry sabora.

U Paryž prybyło šmat hanarovych haściej, u tym liku abrany prezident ZŠA Donald Tramp, brytanski spadčyńnik tronu Uiljam, prezidentka Hruzii Sałamie Zurabišvili, prezident Ukrainy Uładzimir Zialenski, prezident Italii Sierdža Matareła i inšyja palityki. Zamiest prezidenta ZŠA Džo Bajdena prysutničała jahonaja žonka Džył Bajden.

Fota: AP Photo/Thibault Camus, Pool

Fota: AP Photo/Thibault Camus, Pool

Na praciahu nastupnaha tydnia Notr-Dam budzie adkryty dla naviedvalnikaŭ z 15:30 da 22:00 z paniadziełka pa piatnicu i da 20:00 u subotu i niadzielu. Uvieś tydzień buduć pravodzicca śviatočnyja mierapryjemstvy i śpiecyjalnyja nabaženstvy, a potym sabor zapracuje ŭ zvyčajnym režymie i budzie dastupny dla viernikaŭ i turystaŭ.

Fota: Pascal Le Segretain/Getty Images for Notre-Dame de Paris

Fota: Pascal Le Segretain/Getty Images for Notre-Dame de Paris

Pažar u krasaviku 2019 hoda surjozna paškodziŭ dach sabora i jaho hatyčny špil. Na adnaŭleńnie sabrali kala 846 miljonaŭ jeŭra, i nad restaŭracyjaj pracavali kala 2000 čałaviek.

U dzień, kali adbyŭsia pažar, Emanuel Makron paabiacaŭ, što histaryčny budynak budzie całkam adnoŭleny, i adbudziecca heta padčas jaho prezidenctva. Na praciahu šmathadovych ramontnych rabot jon niekalki razoŭ naviedvaŭ budoŭlu i trymaŭ praces pad kantrolem.

Fota: Pascal Le Segretain/Getty Images for Notre-Dame de Paris

Kamientary da artykuła