MZS rekamienduje ŭstrymacca ad pajezdak u Siryju
MZS Biełarusi paćvierdziŭ raniejšuju rekamiendacyju dla biełarusaŭ ustrymacca ad pajezdak u Siryju «ŭ suviazi z abvastreńniem vajenna-palityčnaj situacyi».
Siryjskija paŭstancy pazirujuć na borcie zachoplenaj bronietechniki na ŭskrainie horada Chama. 3 śniežnia 2024 hoda. Fota: AP Photo/Ghaith Alsayed
«Biełarusam, jakija žyvuć abo znachodziacca ciapier na terytoryi Siryi, rekamiendujem nieadkładna pakinuć krainu. Nieabchodna vykonvać praviły asabistaj biaśpieki, niaŭchilna prytrymlivacca rekamiendacyj miascovych uładaŭ, a taksama zastavacca ŭ kantakcie ź biełaruskimi dypłamatami ŭ Siryi», — havorycca ŭ paviedamleńni MZS.
Apošni tydzień u Siryi adbyvajecca paśpiachovy nastup apazicyjnych miascovamu režymu Bašara Asada siłaŭ. Siońnia siryjskaja armija paćvierdziła, što siły paŭstancaŭ paśla intensiŭnych bajoŭ uvajšli ŭ piaty pa vieličyni horad krainy Chamu. Raniej pad ich kantrol pierajšoŭ najbujniejšy siryjski horad Alepa na poŭnačy krainy.
Čytajcie taksama:
Jak siryjskija paŭstancy stali dziejsnaj armijaj i jak jany pastavili na patok vyrab dronaŭ
Vojski Asada ŭ Siryi praciahvajuć adstupać
Rasijskija vajskovyja karabli pakinuli bazu ŭ siryjskim Tartusie