Dva śmiarotnyja DTZ adbyłosia siońnia ranicaj na Homielščynie
Pra dva DTZ z achviarami raskazali va UUS Homielskaha abłvykankama.
U Rečyckim rajonie 25-hadovy kiroŭca aŭtamabila «HAZ» źbiŭ 70-hadovuju žančynu, jakaja pierachodziła prajeznuju častku darohi pa nierehulavanym piešachodnym pierachodzie. Ad atrymanych traŭmaŭ žančyna pamierła na miescy zdareńnia.
Druhaja avaryja sa śmiarotnym vynikam adbyłasia ŭ Žytkavickim rajonie. 75-hadovy kiroŭca «Falksvahiena» nie spraviŭsia z kiravańniem i vylecieŭ na sustrečnuju pałasu, dzie sutyknuŭsia z mašynaj «HAZ Kupava». U vyniku sutyknieńnia kiroŭca «Falksvahiena» zahinuŭ na miescy.