Padletki ŭ Baranavičach stvaryli čat dla bulinhu adnahodkaŭ, ale jon trapiŭsia na vočy siłavikam
U čacie na momant vydaleńnia było bolš za 300 čałaviek.
Skrynšot videa MUS
U Baranavičach padletki stvaryli čat dla bulinhu adnahodkaŭ. Tam udzielniki publikavali fota i videa, na ich dumku, «haniebnych» dziaciej ź liku znajomych — navučencaŭ svaich škoł i inšych navučalnych ustanoŭ.
Administravali kanał troje 15-hadovych padletkaŭ. Dvoje ź ich vučacca ŭ technikumie, jašče adzin — u himnazii. Pieršapačatkova čat stvaraŭsia dla prapahandy zdarovaha ładu žyćcia, adnak z časam tematyka źmianiłasia. U čacie źjavilisia fota i videa z bojkami i źbićciom školnikaŭ. Publikavać roliki mahli ŭsie ŭdzielniki, jakich nabrałasia bolš za 300.
Čat trapiŭsia na vočy siłavikam. Milicyja znajšła ŭ im videa z elemientami hvałtu i prynižeńnia. Akramia taho, padletki ŭ čacie łajalisia matam.
Ciapier kanał vydaleny, a ŭ dačynieńni da administrataraŭ pravodzicca pravierka.