Kala Nacyjanalnaj biblijateki adkryjuć biaspłatnuju navahodniuju karusiel
20 śniežnia ŭ Minsku kala Nacyjanalnaj biblijateki adkryjecca zimovy kirmaš. Na im možna budzie pakatacca na biaspłatnaj navahodniaj karusieli, piša ahienctva «Minsk-Naviny».
Fota ilustracyjnaje
Taksama tut budzie adkrytaja śpiecyjalnaja scena-televizar, dzie pa vychadnych i śviatach buduć pakazvać zabaŭlalnuju prahramu, i «fabryka padarunkaŭ», dzie možna budzie vyjhrać kaštoŭnyja pryzy. Kirmaš budzie pracavać u parku Piśmieńnikaŭ.
Pa słovach arhanizataraŭ, letaś taki kirmaš užo pracavaŭ, tolki kala Vialikaha teatra Biełarusi. U hetym hodzie jon mianiaje svaju łakacyju.
«Atmaśfiera čaroŭnaści i śviata zachavajecca, a voś hulańni buduć jašče maštabniejšyja i jarčejšyja. Scena-televizar, biaspłatnaja navahodniaja karusiel i paravozik, lalečny teatr, fabryka padarunkaŭ, efiektnaja i puchnataja jełka, śviatočnyja stravy i napoi — budzie vielmi smačna i viesieła», — abiacajuć arhanizatary.
Taksama na kirmašy adkryjuć jołačny bazar.
Pracavać łakacyja budzie da 7 studzienia, z 15:00 da 23:00 u budnyja dni i z 13:30 da 23:00 pa vychadnych i śviatach.
Čytajcie taksama:
«Kamunarka» pakazała svoj advent-kalandar i atrymała chvalu krytyki
Śvietłavy abjekt u vyhladzie NŁA źjavicca ŭ Minsku da navahodnich śviataŭ
U Dana Mall znoŭ zrabili vielmi pryhožuju navahodniuju instalacyju FOTY