U Italii za kradziež z restaranaŭ zatrymali biełarusa
U Italii zatrymali 30-hadovaha biełarusa pa padazreńni ŭ kradziažy z restaranaŭ u horadzie Łavańja, rehijon Lihuryja. Pra heta paviedamlaje «Biełaruś i śviet» sa spasyłkaj na Genova Today.
Fota: facebook.com/questurami
Pravaachoŭnikam pastupili zajavy ad dvuch restarataraŭ, jakija pry adkryćci svaich ustanoŭ ranicaj pabačyli ŭzłamanyja vokny i kanstatavali prapažu roznych tavaraŭ, u tym liku praduktaŭ charčavańnia, na 6 tysiač jeŭra.
Praanalizavaŭšy zapisy ź videakamier u Łavańji i susiedniaj kamunie Kjavary, palicejskija znajšli mierkavanaha vinavataha — našaha suajčyńnika, jaki znachodzicca ŭ Italii nie majučy pastajannaha miesca žycharstva i ŭžo viadomy palicyi.