Stary budynak vinakurni ŭ Viciebsku kupiŭ rasijski inviestar. Da hetaha było 12 niaŭdałych sprob

Budynak byłoj vinakurni na vulicy Pakroŭskaj u Viciebsku pradali na aŭkcyjonie amal za $136 tys. Da hetaha jaho biespaśpiachova vystaŭlali na tarhi 12 razoŭ, piša Office Life.

Fota: vitebsk-region.gov.by

Jak paviedamlajecca, ahulnaja płošča zavoda, jaki pustavaŭ užo bolš za siem hadoŭ, składaje bolš za 5 tys. kv. m. Łot uklučaŭ dva vytvorčych korpusa, cech aŭsianaha piečyva, vina– i śpirtaschovišča dy ŭsie inžyniernyja sietki.

Novy ŭładalnik taksama atrymaŭ u karystańnie ziamielny ŭčastak płoščaj 2 ha. Inviestar płanuje adnavić histaryčnaje abličča kvartała. U im raźmieściacca handlovyja ŭstanovy, a na druhich pavierchach — kvatery.

Vinakurnia była pabudavanaja ŭ 1898 hodzie, a zatym pierabudoŭvałasia paśla pažaru, jaki adbyŭsia 13 krasavika 1904 hoda. Vytvorčaść vina tut była spynienaja ŭ 2017 hodzie.

Kamientary da artykuła