Modny aŭtamat z našumiełym kobrynskim marozivam pastavili ŭ Minsku
Raniej u stalicy vystrojvalisia čerhi pa heta maroziva.
Aŭtamat z kobrynskim marozivam. Skryny videa błohiera @koko_by
Modny aŭtamat z kobrynskim viarškovym marozivam pastavili ŭ handlovym centry «Tytan» (treci pavierch) u Minsku.
Jak pracuje? Na ekranie vybiraješ maroziva i topinh z pasypkami da jaho — šakaład, karamiel, kłubnicy, piečyva, kalarovaja sałomka, arechi. I aŭtamat vydaje tabie žadanuju porcyju ŭ kubačku. Da dna kubačka prymacavana łyžka.
Cana ŭ zaležnaści ad pasypak — kala 5 rubloŭ.
«Smačna, ale vybar pasypki tak sabie», — pradehustavaŭ błohier Kakabaj.
Padobny aŭtamat jość i ŭ Nacyjanalnym aeraporcie ŭ zonie vyletu.
Kobrynskaje maroziva stała asabliva papularnym u apošnija hady. Robiać sumieś u Kobrynie na zavodzie, jaki taksama vyrablaje viadomyja na ŭsiu krainu syry. Astraŭki z hetym prysmakam adkrylisia ŭ niekalkich handlovych centrach krainy. Časam tudy vystrojvalisia vialikija čerhi.
Aŭtamat z kobrynskim marozivam. Skryn videa błohiera @koko_by
Znaŭcy ŭ kamientarach pišuć pra niuansy z kobrynskim marozivam.
«Kobrynskaje byvaje na asnovie celnaha małaka i suchoha małaka. Roźnica ŭ smaku, kažuć, vialikaja».
«Heta maroziva smačnaje, kali dobra padmarožanaje (hustoje), ale kali trochi padtałaje — naohuł nie toj smak. U dvuch HC sprabavała, u adnym nu viejeielmi smačna. U druhim padtałaje nalili — «naohuł nie toj smak».