Łukašenka pra adklučeńnie internetu ŭ 2020-m: Kali heta paŭtorycca, adklučym zusim
U Linhvistyčnym univiersitecie Łukašenka prakamientavaŭ adklučeńnie internetu ŭ žniŭni 2020 hoda padčas pratestaŭ.
Sergei Ilnitsky Pool Photo via AP
«Kali heta paŭtorycca, adklučym naohuł», — skazaŭ jon.
«Skažu ščyra, što heta praktyčna zaŭsiody było z majho dazvołu. Kali ŭ ciabie dźvie prablemy, ty pačynaješ uzvažvać. Na hetych šalach była kraina. Kali b tady my krainu nie ŭtrymali…» — dadaŭ jon.
@nashaniva Łukašenka adklučyć internet #intierniet #łukašienko #studienty #2020 #protiesty #bčb #vybory #kandidaty #pravitielstvo #priezidient ♬ Naughty, evil, dubious and comical songs(1264665) - MATSU
«Što vy dumajecie, ja budu hladzieć i malicca, što vy kamuści paviedamleńnie nie adpravili, kali krainy zaŭtra nie budzie», — zajaviŭ Łukašenka.
Nahadajem, pačynajučy z 9 žniŭnia ŭ krainie byli pieraboi internetu na praciahu niekalkich dzion. Paśla internet hłušyli padčas niadzielnych maršaŭ.
Ale tady Łukašenka kazaŭ, što adklučajuć nibyta z-za miažy.
«Kamuści karcić, zaklikajuć vychodzić na vulicy. Navat z-za miažy adklučajuć internet, kab vyklikać niezadavolenaść u nasielnictva. Ciapier našy śpiecyjalisty raźbirajucca, adkul idzie hetaja błakiroŭka. Tamu kali internet drenna pracuje, heta nie naša inicyjatyva, heta z-za miažy», — zajaŭlaŭ jon 10 žniŭnia 2020-ha.